A1News.am-Ուկրաինայի նախագահ Վլադիմիր Զելենսկին հերթական տեսաուղերձում ասել է, որ ուկրաինական քաղաքների ռմբակոծումը և պատերազմի երկարաձգումը միայն վատթարացնում են Ռուսաստանի վիճակը և կոչ է արել Մոսկվային հնարավորինս շուտ բանակցություններ վարել, ընդ որում՝ համաձայնության գալ Ուկրաինայի տարածքային ամբողջականության վերականգնման շուրջ։
Զելենսկին պնդում է, որ ռուսական կայծակնային պատերազմի սկզբնական պլանները ձախողվել են, և այժմ ռուս զինվորականներն ընտրել են քայքայման մարտավարությունը։
«Բայց այս մարտավարությունը միայն վատթարացնում է իրավիճակը ռուսական պետության համար: Հետևաբար, բանակցությունները խաղաղության, մեզ համար անվտանգության, Ուկրաինայի անվտանգության մասին. դրանք իմաստալից են, դա Ռուսաստանի համար միակ հնարավորությունն է նվազեցնելու սեփական սխալների վնասները», ասել է Ուկրաինայի նախագահը։
«Ժամանակն է հանդիպել: Ժամանակն է խոսել: Ժամանակն է վերականգնել տարածքային ամբողջականությունը և արդարությունը Ուկրաինայի համար: Հակառակ դեպքում, Ռուսաստանի կորուստներն այնպիսին կլինեն, որ մի քանի սերունդ ձեզ չի բավականացնի, որպեսզի հաղթահարեք դրանք», եզրափակել է Զելենսկին: