A1News.am-Անմահ փոխգնդապետ Արմեն Օհանյանը զոհվեց 44-օրյա պատերազմի ուղիղ կեսին Արցախը պաշտպանելիս:
Պատերազմի ամենաթեժ օրերին և ամենաթեժ ճակատում, երբ մարտն անխուսափելի էր, հակառակորդը փորձում էր շրջափակման մեջ առնել Օհանյանի անձնակազմին: Փոխգնդապետը բոլորին նահանջի հրաման է տալիս, իսկ ինքը մնում է տեղում՝ յուրայիններին հենց իր մարմնով փրկելու:
Ու հենց ամենաթեժ պահին Օհանյանը քաշում է նռնակի օղակն ու պայթեցնում իրեն ու հակառակորդի զորքին:
Զինակից ընկերները փոխգնդապետ Օհանյանին բնութագրում են որպես հզոր հրամանատար, զինվորականի բացառիկ տեսակ, ով թե՛ իր խիզախությամբ, թե՛ իր հմտությամբ, ծնված էր հենց զինվորական լինելու համար: Հենց նման կերպ էլ նա իրեն պահեց մարտի դաշտում և այդպես էլ անմահացավ: