A1News.am-ԱՄՆ-ը զորքեր է ուղարկել Հյուսիսային Սիրիա, սա տեղի է ունենում այն ժամանակ , երբ Թուրքիան պատրաստվում է նոր ռազմական գործողություններ սկսել տարածաշրջանում: Տարածաշրջանում աշխատող թուրքական լրագրողները հայտնել են, որ ժամեր առաջ ԱՄՆ ռազմական շարասյունները մտել են Թուրքիային սահմանին կից Հասաքեի շրջան։
Ամերիկացի զինվորներին նույնիսկ տեսել են քուրդ զինյալների հետ պարեկություն իրականացնելիս Քամիշլի քաղաքի շրջակայքի գյուղերից մեկում՝ Թուրքիայի հետ սահմանից ընդամենը երկու կիլոմետր հեռավորության վրա։ Հասաքայի շրջանի մի մասը գտնվում է սիրիական ռեժիմի վերահսկողության տակ, իսկ Ղամիշլիում տեղակայված է ռուսական ավիաբազա։ Վերջերս այնտեղ են ուղարկվել զորքեր, կործանիչներ և ուղղաթիռներ։
Իրենց հերթին սիրիական բանակը լրացուցիչ ուժեր է կենտրոնացնում քրդերի վերահսկողության տակ գտնվող շրջաններում։ Սիրիական բանակի տասնյակ տանկեր և հազարավոր զինվորներ նախօրեին մտել են Մանբիջ և գրավել թուրքական բանակի դիրքերից մոտ 10 կիլոմետր հեռավորության վրա գտնվող հատվածները։
Հաղորդվում է նաև , որ Թուրքիան ավարտել է ծրագրված ռազմական գործողության բոլոր նախապատրաստական աշխատանքները, և հաշված ժամերի ընթացքում փրձելու է սկսել ռազմական գործողությունները : Ըստ թուրքական մամուլի ռազմական գործողությանը կմասնակցեն 25.000 թուրք զինվորականներ, հարյուրավոր տանկեր և այլ զրահամեքենաներ, ինչպես նաև Անկարայի կողմից աջակցվող սիրիական ընդդիմադիր ուժերի հազարավոր զինվորներ։ Արդեն որոշվել է, թե որ ուղղություններից են հարձակվելու թուրքական բանակի ստորաբաժանումները։
Նշենք ,որ ԱՄՆ-ը դեմ է Թուրքիայի կողմից նոր ռա-զմական գործողությանը, որը կարող է թուրքերի հետ անմիջական առճակատման վտանգ ստեղծել առաջիկա ռազմական գործողության ժամանակ, ինչի արդյունքում ակնկալվում է, որ ամերիկյան զորքերը կվերադարձվեն տարածաշրջան։
Ավելի վաղ հաղորդվել էր, որ Թուրքիան և Ռուսաստանը պայմանավորվել են քրդերին 72 ժամ տալ Մանբիջից և Թել Ռիֆաթից հեռանալու համար։ Սակայն դրա համար հատկացված ժամանակն արդեն ավարտվել է, իսկ քրդերը մնացել են իրենց տեղերում։
