A1News.am-Եղբայրների միջև ծեծկռտուքը տեղի է ունեցել 2019 թվականին այն պատճառով, որ Ուիլյամը Հարրիի կնոջը «կոպիտ և կտրուկ» է անվանել։ Վիճաբանությունը վերաճել է ծեծկռտուքի: Հարրիի խոսքով՝ ավագ եղբայրը բռնել է նրա օձիքից և տապալել հատակին։ Հուշագրության հեղինակը հիշում է, թե ինչպես է ընկել շան ամանի վրա, այն ճաքել ու բեկորները կպել են մեջքին։
«Ես մի քիչ պառկեցի այնտեղ, ապշած, հետո վեր կացա և ասացի, որ դուրս գա»,- Ուիլյամի կրտսեր եղբոր խոսքերն են մեջբերում բրիտանական լրատվամիջոցները։
Հարրին ասել է, որ հրաժարվել է պատասխան հարված հասցնել եղբորը, իսկ հետո ներողություն է խնդրել՝ խնդրելով չխոսել Մեգանի հետ կատարվածի մասին։
Հարրին ավելացրել է, որ Ուիլյամը պնդել է, որ իրեն պատասխան հարված հասցնի՝ հիշելով մանկության տարիներին տեղի ունեցած կռիվները։ Սակայն նա հրաժարվել է դա անել, հետո Ուիլյամը հեռացել է, բայց շուտով վերադարձել ու ներողություն է խնդրել՝ խորհուրդ տալով Հարրիին միջադեպի մասին չխոսել կնոջ հետ։
