A1News.am-Ռուսաստանն Իրանից պատվիրել է 2400 կամիկաձե անօդաչու թռչող սարք, որոնք օգտագործվում են Ուկրաինայի դեմ պատերազմում, հայտարարել է Ուկրաինայի նախագահ Վլադիմիր Զելենսկին G7-ի ղեկավարների հանդիպման ժամանակ։
Զելենսկու խոսքով՝ այս տեղեկությունը ստացվել է ուկրաինական հետախուզությունից։
«Այդ իսկ պատճառով Ուկրաինան պետք է ունենա բավարար քանակությամբ հրթիռներ տրամադրված հակաօդային պաշտպանության և հակահրթիռային պաշտպանության համակարգերում։
Այդ համակարգերը պետք է ինտեգրվեն Ուկրաինայի պաշտպանական համակարգերին»,- ընդգծել է Ուկրաինայի նախագահը։