A1News.am-Ֆրանսիայի նախագահ Էմանուել Մակրոնը ֆրանսիական զլմ-ներին տված հարցազրույցում ասել է, որ անցյալ տարվա դելտեմբերից ի վեր Պուտինի հետ հարյուրավոր ժամեր տեւած զրույցներ է ունեցել․ «Աշխարհում իրավիճակը տագնապալի է։ Ահա թե ինչու եմ ես այդքան ժամանակ եւ ուժ ծախսում։ Ես կորցրել եմ Պուտինի հետ զրույցների հաշիվը, ընդհանուր առմամբ՝ հարյուրավոր ժամեր»։
Մակրոնի խոսքով, ինքը Պուտինին ասել է, որ նա «պատմական ու արմատական սխալ է թույլ տվել իր ժողովրդի, իր եւ պատմության համար։ Ռուսաստանում առայժմ մեծ ժողովուրդ է։ Նա մեկուսացել է։ Մեկուսանալը մի բան է, դուրս գալը դժվար ճանապարհ է», ասել է Մակրոնը։
Այս համատեքստում Մակրոնը եզրակացրել է, որ «պետք չէ նվաստացնել Ռուսաստանին», որպեսզի հնարավոր լինի ելք գտնել դիվանագիտական ճանապարհով։ Նա ասել է նաեւ, որ Ֆրանսիայի դերը միջնորդ-տերություն լինելն է։
Ֆրանսիայի նախագահի հաճախակի զանգերը Պուտինին դարձել են միջազգային մեմ։ Միեւնույն ժամանակ, Ֆրանսիան ներկայում գլխավորում է «Ռուսաստանին չնվաստացնելու» արշավը, որի իմաստն այն է, որ պետք է զիջումների գնալ ՌԴ-ին, Ուկրաինան պետք է համաձայնի տարածքների կորստի հետ՝ ավելի վատթարից խուսափելու համար։
Ֆրանսիան 1945-ին Մոսկվայի ջանքերով է հայտնվել հաղթող պետությունների շարքում, չնայած երկրորդ աշխարհամարտում կրած պարտությանը․ ռուսներն այն ժամանակ թույլ չէին տվել «Ֆրանսիայի նվաստացումը»։
Ռուսներին ու ֆրանսիացիներին միավորում է մեկ այլ հանգամանք՝ սեփական վեհության զգացումը։
Եվրոպայում ներկայում ձեւավորվում է պայմանական երկու բլոկ․ «Ռուսաստանին չնվաստացնելու»՝ Գերմանիայի եւ Ֆրանսիայի գլխավորությամբ, եւ «Ուկրաինայի հաղթանակի»՝ Մեծ Բրիտանիայի ու Լեհաստանի գլխավորությամբ։
Նյութի աղբյուր՝ Lragir.am
