A1News.am-Լաչինի շրջանում երկու ադրբեջանցի է պայթել ականի վրա:
Միջադեպը տեղի է ունեցել Սուարասի գյուղի մոտ, որտեղ շինարարական-վերանորոգման աշխատանքներ էին իրականացվում։ Տուժածներին ցուցաբերվել է առաջին բուժօգնություն, երկուսն էլ տեղափոխվել են հիվանդանոց։
Այս մասին հայտնում են ադրբեջանական լրատվամիջոցները՝ հղում անելով Ադրբեջանի (ANAMA) ականազերծման գործակալությանը։
Նշվում է, որ 2020 թվականի նոյեմբերի 10-ից մինչև 2022 թվականի հոկտեմբերի 21-ը Ադրբեջանի վերահսկողության տակ անցած տարածքներում ականների վրա պայթել է 251 մարդ (42 զոհ, 209 վիրավոր):
