A1News.am-Կոստրոմայի «Պոլիգոն» սրճարանում բռնկված հրդեհի զոհերի թիվը հասել է 13-ի, հայտնում է РИА Новости-ն՝ քաղաքի արտակարգ իրավիճակների ծառայությանը հղումով։ Գործակալության զրուցակիցը նշել է նաեւ, որ չորս մարդ ստացել է տարբեր ծանրության վնասվածքներ։ Ավելի վաղ դատախազությունը հայտնել էր ութ մահացածի մասին։
«Նախնական տվյալներով՝ արդեն 13 զոհ կա, չորս վիրավոր»,- ասվում է Կոստրոմայի արտակարգ ծառայությունների հաղորդագրության մեջ։
«Պոլիգոն» սրճարանում հրդեհը բռնկվել է նոյեմբերի 5-ի գիշերը՝ ժամը 02:30-ի սահմաններում։ Կոստրոմայի հրշեջ-փրկարարական կայազորի ստորաբաժանումների աշխատակիցներին հաջողվել է տարհանել 250 մարդու։ Հրդեհաշիջման աշխատանքներին մասնակցել է 50 մարդ և 20 միավոր տեխնիկա։ Ըստ նախնական վարկածի՝ հրդեհի պատճառ կարող էր լինել այցելուներից մեկի կողմից պիրոտեխնիկայի օգտագործումը։
ՌԴ Կոստրոմայի շրջանի արտակարգ իրավիճակների վարչությունը հայտնել է, որ ժամը 04:23-ին հրդեհը տեղայնացվել է։ Դրանից հետո տանիքը փլուզվել է շինության ողջ տարածքի վրա, որը կազմում է 3,5 հազար ք/մ:
Դեպքի վայր է ժամանել նաև Կոստրոմայի շրջանի նահանգապետ Սերգեյ Սիտնիկովը։