A1News.am-Հնդիկ բլոգեր MD Talk-ը Twitter-ում հրապարակել է վնասված Redmi 6A սմարթֆոնի կադրեր և գաջեթի պայթյունից մահացած մորաքրոջ լուսանկարը։
Բլոգերի խոսքով՝ ինքը մորաքրոջը մահացած է գտել մահճակալի վրա պառկած վիճակում, իսկ նրա դեմքի կողքին ընկած է եղել պայթած Redmi 6A-ն։ MD Talk-ն իր հրապարակման մեջ նշել է Xiaomi-ի փոխնախագահ և ընկերության մարքեթինգի տնօրենի օգտահաշիվը:
Xiaomi-ի տեղական ստորաբաժանումն արձագանքել է միջադեպին և ներկայումս փորձում է կապ հաստատել մահացածի ընտանիքի հետ՝ դեպքի հանգամանքները պարզելու համար։
Redmi 6A-ն Xiaomi-ի դուստր բրենդի բյուջետային սմարթֆոն է, որը ներկայացվել է 2018 թվականին։ Գաջեթը վաճառքի է հանվել 150 դոլարից պակաս գնով: 2022 թվականի դրությամբ ընկերության կողմից սմարթֆոնը համարվում է հնացած՝ սարքի վերջին թարմացումը եղել է Android 10-ը և MIUI 12-ը:
