A1News.am-ԱՄՆ Վիրջինիայի բնակչուհի Քիմբերլի Սլոթերը ադիբուդիի տուփի մեջ կենդանի օձ է գտել։ Այս մասին հայտնում է Fox News-ը։
Միջադեպը տեղի է ունեցել այն ժամանակ, երբ ամերիկուհին սուպերմարկետներից մեկում սնունդ էր գնում։ Կինը դարակից հանել է ադիբուդիով տուփը և այնտեղ նկատել փոքրիկ անցք, որից հետո սողունը դուրս է սողացել և անհետացել։
Ամերիկուհու խոսքով՝ ինքը չի տուժել, բայց շատ է վախեցել։ Սլաթերը հավելել է, որ ինքը կարող էր չնկատել փաթեթի անցքը և սողունին բերեր տուն` փոքրիկ երեխայի մոտ:
Խանութի մենեջերն ասել է, որ տեղյակ չէ, թե ինչպես է օձը հայտնվել հաստատությունում, ինչպես նաև խոստացել է հետաքննել և պարզել արտադրանքում կենդանու գտնվելու պատճառները։
