A1News.am-ԱՄՆ-ում տեղի 50-ամյա բնակիչն իր վեցամյա դստերը ողջ-ողջ թաղել է այգում՝ որպես պատիժ սուտ խոսելու համար։ Այս մասին հայտնում է Patch պորտալը։
Միջադեպը տեղի է ունեցել Փենսիլվանիա նահանգի Ուեյնսբերգ քաղաքում։ Երեխաների իրավունքների պաշտպանությամբ զբաղվող կազմակերպությունը դիմել է ոստիկանություն և հայտնել, որ ամերիկացին բռնության է ենթարկում իր դստերը։
Հարցազրույցի ժամանակ երեխան պատմել է, որ հայրն իրեն պատժել է՝ ողջ-ողջ թաղելով բակում։ Տղամարդն աղջկան ասել է, որ նա այնտեղ կմնա այնքան ժամանակ, քանի դեռ չի ասել ճշմարտությունը։
Բացի այդ, հայրը գոտիով ու ձեռքերով ծեծի է ենթարկել դստերը, ինչպես նաև խեղդել է նրան, մինչև վերջինս կորցրել է գիտակցությունը, ինչպես նաև գլուխը խփել է հատակին ու պատերին։
Հանցագործին մեղադրանք է առաջադրվել մի քանի դրվագներով։ Նա ձերբակալվել է։
