A1News.am-Թամարա անունով զբոսաշրջիկը, անտեղյակ հղիության մասին, ինքնաթիռում գնացել է զուգարան ու անսպասելի երեխա է լույս աշխարհ բերել։ Այս մասին հայտնում է New York Post (NYP) թերթը։
Նշվում է, որ միջադեպը տեղի է ունեցել հոլանդական KLM Royal Dutch Airlines ավիաընկերության ինքնաթիռում, որը Էկվադորից Իսպանիա մեկնում էր Հոլանդիա՝ հինգշաբթի օրը՝ դեկտեմբերի 8-ին:
Ուղեւորուհին ասել է, որ հղիության նշաններ չի ունեցել, ուստի երեխայի հանկարծակի ծնունդն իսկական անակնկալ է եղել իր համար։
«Նիդեռլանդներ վայրէջք կատարելուց մի քանի ժամ առաջ մի կին ստամոքսացավ ունեցավ և որոշեց գնալ զուգարան: Ի զարմանս իրեն, երկու կծկումներից հետո նա հանկարծակի երեխա ունեցավ»,- ասվում է հրապարակման մեջ։ «Թամարան գաղափար անգամ չուներ, որ հղի է, և ապշած էր այս իրադարձությունից»:
Անսպասելի ծննդաբերությունից հետո նորաթուխ մորն օգնել են երկու բժիշկներ և մի բուժքույր Ավստրիայից, ովքեր եղել են ինքնաթիռում։ Կինը որոշել է որդուն անվանել Մաքսիմիլիանո՝ ի պատիվ ծննդաբերությունից հետո իր կողքին գտնվող ուղեւորներից մեկի։ Երբ ինքնաթիռը վայրէջք է կատարել Շիպհոլ օդանավակայանում, կնոջն ու երեխային դիմավորել է բժիշկների խումբը և տեղափոխվել Հարլեմի քաղաքային հիվանդանոց Spaarne Gasthuis Haarlem Zuid: Մայրն ու նորածինը այժմ լավ են։
Ավելի վաղ բրիտանական օդանավակայանում երեխայի հետ ճանապարհորդող 30-ամյա կինը անվտանգության կանոնների պատճառով չի կարողացել կրծքի կաթը տեղափոխել ինքնաթիռ։ Ճանապարհորդը խոստովանել է, որ իր թռիչքից երեք օր առաջ կաթ է մղել, և արտասվել է, երբ օդանավակայանի անվտանգության աշխատակիցները նրան ձերբակալել են անվտանգության անցակետում:
