A1News.am-ԱՄՆ Ինդիանա նահանգի Գրինվուդի առևտրի կենտրոնում հրաձգություն է տեղի ունեցել: Հրացանով տղամարդը կրակ է բացել սննդի կետում, իսկ զինված քաղաքացին սպանել է նրան։ Այս մասին հայտնում է Associated Press-ը՝ հղում անելով նահանգի ոստիկանությանը:
Հրաձգության արդյունքում առնվազն 3 մարդ զոհվել է, երկուսը՝ վիրավորվել:
Ինչպես հայտնել է ոստիկանության պետը, տղամարդը Greenwood Park Mall է մտել ինքնաձիգով ու մի քանի զինամթերքի պահունակներով և սկսել կրակել արագ սննդի կետի վրա։
Առևտրի կենտրոնում գտնվող 22-ամյա երիտասարդը, ով օրինական հրազեն է կրել, կրակել և սպանել է հրաձգություն սկսած տղամարդուն:
«Օրվա իսկական հերոսը այն քաղաքացին է, ով օրինական կերպով հրազեն է կրել այդ սննդի կետում և կարողացել է կանգնեցնել կրակողին հենց սկսելու պահին»,- ասել են ոստիկանությունից։
Վիրավորում ստացած երկու քաղաքացիների թվում կա 12-ամյա աղջիկ: Նրա վիճակը կայուն է:
