A1News.am-Մահացել է սերբ հայտնի ֆուտբոլիստ, մարզիչ Սինիշա Միխայլովիչը։ Նա 53 տարեկան էր։ Այս մասին հայտնում է «Ֆիորենտինա» իտալական ֆուտբոլային ակումբը՝ իր Twitter-ի էջում։
««Ֆիորենտինան» սգում է Սինիշա Միխայլովիչի մահը և ցավակցում ընտանիքին և մտերիմներին», – ասվում է հաղորդագրության մեջ։
2019 թվականի ամռանը Սինիշա Միխայլովիչը հայտարարել էր, որ հիվանդ է լեյկեմիայով։ Ամբողջ խաղաշրջանի ընթացքում նա բուժման կուրս էր անցնում` շարունակելով ղեկավարել թիմը։
