A1News.am-78 տարեկան հասակում մահացել է Ռուսաստանի վաստակավոր արտիստ Վլադիմիր Մուսատովը, այս մասին հայտնել են Ա.Կ.Տոլստոյի անվան Բրյանսկի շրջանային դրամատիկական թատրոնից։
«Մահացել է հրաշալի մարդ, որին շատերը ճանաչում, սիրում և հարգում էին: Վլադիմիր Անդրեևիչի վառ հիշատակը հավերժ կմնա հարազատների, ընկերների, գործընկերների և երախտապարտ հանդիսատեսի սրտերում»,- ասվում է մահախոսականում:
Նրա մահվան պատճառը երկարատև հիվանդությունն էր։
Վլադիմիր Մուսատովի ողջ աշխատանքային գործունեությունը կապված էր թատրոններում ծառայության հետ։ 1974 – 1999 թվականներին զբաղված է եղել դրամատիկական թատրոնի գլխավոր ներկայացումներով։ Հաջորդ տասը տարիներին արտիստը հանդես է եկել Պատանի հանդիսատեսի թատրոնում, որից հետո վերադարձել է դրամատիկական բեմ։
