A1News.am-Իրանում մարդատար գնացքի ռելսերից դուրս գալու հետևանքով զոհերի թիվը հասել է 17-ի։ Այս մասին հայտնում է իրանական YJC լրատվական գործակալությունը՝ հղում անելով իշխանություններին։
Ավելի վաղ Tasnim գործակալությունը հայտնել էր Մաշհադից Յազդ քաղաք գնացքի ռելսերից դուրս գալու հետևանքով 13 զոհի և մոտ 50 վիրավորի մասին։
Ըստ լրատվամիջոցի՝ ռելսերից դուրս գալը կարող էր տեղի ունենալ գնացքի և էքսկավատորի բախման հետևանքով։ Ողբերգությունը տեղի է ունեցել Հարավային Խորասան նահանգում։ Իրանի Կարմիր մահիկի ընկերության տվյալներով՝ գնացքում եղել է մոտ 430 ուղեւոր։
«Այժմ գրանցվել է մահվան 17 դեպք, սակայն քանի որ այս պահին փրկարար ծառայություններն ուսումնասիրում են մեքենաների այլ հատվածները, թիվը կարող է աճել»,- ասվում է գործակալության Տեբես շրջանի ղեկավարի հայտարարության մեջ։
