A1News.am-Մոսկվայի հյուսիս-արևմուտքում մարդատար մեքենայի վարորդը վրաերթի է ենթարկել երկու երեխաների հետ փողոցն անցնող կնոջը, կինը տեղում մահացել է. Այս մասին ՏԱՍՍ-ին հայտնել են Մոսկվայի ՆԳՆ գլխավոր տնօրինության մամուլի ծառայությունում։
«Կիրակի երեկոյան Kia մակնիշի ավտոմեքենայի վարորդը Սվոբոդա փողոցի թիվ 12 հասցեում կորցրել է կառավարումը և վրաերթի է ենթարկել հետիոտներին, ինչի հետևանքով կինը մահացել է»,- ասել է գործակալության զրուցակիցը։
Նրա խոսքով, վթարի հետևանքով, ըստ նախնական տեղեկությունների, տուժել է կնոջ մեկ երեխան, նա տեղափոխվել է հիվանդանոց, երկրորդ երեխան, ով անվասայլակով է եղել, չի տուժել։
Վթարը հետաքննվում է։
Ավելի ուշ հաղորդվել է, որ վթարի հետևանքով վիրավորված երեխան մահացել է շտապօգնության մեքենայում։
«Անչափահասներից մեկը մահացել է շտապօգնության մեքենայում»,- ասվում է հաղորդագրության մեջ։
Այս տեղեկությունը հաստատել են նաեւ Մոսկվայի դատախազությունից։