A1News.am-Աշնանային զորակոչի ընթացքում բանակը համալրած ժամկետային զինծառայողները Ռուսաստանին կցված ուկրաինական մարզերում չեն տեղակայվի և չեն մասնակցի այնտեղ ընթացող ռազմական գործողություններին։
Այս մասին հայտարարել է Ռուսաստանի Զինված ուժերի Գլխավոր շտաբի կազմակերպական-զորահավաքային վարչության պետ Եվգենի Բուրդինսկին։
Աշնանային զորակոչը Ռուսաստանում մեկնարկելու է վաղը՝ նոյեմբերի 1-ին։ Զորակոչի մեկնարկը հետաձգվել էր մեկ ամսով՝ սեպտեմբերի 21-ին հայտարարված պահեստայինների զորահավաքի ընթացքում զինկոմիսարիատների ծանրաբեռնվածության պատճառով։
Աշնանային զորակոչի ընթացքում նախատեսվում է շուրջ 120 հազար մարդ զորակոչել ռուսական բանակ։
