A1News.am-Գերմանիայի կանցլեր Օլաֆ Շոլցը հրապարակայնորեն կոչ է արել Ռուսաստանի նախագահ Վլադիմիր Պուտինին դուրս բերել զորքերն Ուկրաինայից և դադարեցնել պատերազմը։
Կանցլերի հայտարարությունը մեջբերում է Spiegel-ը։
«Դադարեցրեք այս պատերազմը, դուրս բերեք ձեր զորքերը և ճանապարհ հարթեք խաղաղ բանակցությունների համար, որոնք չեն կարող թելադրվել Ռուսաստանի կողմից Ուկրաինային»,- ասել է Շոլցը Պուտինին։
Նրա խոսքով, ոչ մի երկիր հարևանի ետնաբակ չէ. «Ոչ ոք իրավունք չունի յուրացնել ուրիշի տարածքը»,- հավելել է կանցլերը։
