A1News.am-Ուկրաինայի Զինված ուժերի տարածքային պաշտպանության ուժերի գումարտակը Խարկովի շրջանում կիրակի օրը հասել է Ռուսաստանի հետ պետական սահմանին։ Այս մասին ասվում է Ուկրաինայի պաշտպանության նախարարության հաղորդագրության մեջ։
Ուկրաինացի մարտիկների՝ նախագահ Վլադիմիր Զելենսկիին ուղղված կոչի տեսանյութում տեսանելի է սահմանային կետը։
«Հասանք, պարոն նախագահ, մենք այստեղ ենք», ասում են զինվորականները տեսանյութում։
Վերջին օրերին ուկրաինական բանակը հաջող հակահարձակողական մարտեր է մղել Խարկովի շրջանում, ռուսական զորքին ստիպելով նահանջել դեպի ՌԴ հետ սահման։
