Ուկրաինայում իրավիճակը ծայրահեղ պայթյունավտանգ է

Միջազգային a1news 2022-08-20 20:12:00 708
Հետևեք մեզ՝ Telegram-ում
ukraina-war_yuREB.jpg

A1News.am-Մեծ Բրիտանիայի խորհրդարանի ստորին պալատի պաշտպանության հարցերով հատուկ կոմիտեի ղեկավար Թոբիաս Էլվուդը հայտարարել է, որ ՌԴ-ի կողմից Զապորոժիեի ԱԷԿ վրա հարձակման պատճառով ռադիացիայի արտահոսքը հարկադրելու է ՆԱՏՕ-ին գործի դնել իր կանոնադրության 5-րդ հոդվածը: Իր հերթին Իլինոյս նահանգից ԱՄՆ Կոնգրեսի Ներկայացուցիչների պալատի անդամ Ադամ Քինզինգերն է նույնաբովանդակ հայտարարությամբ հանեդես եկել նաև՝ ասելով. «Ռադիացիայի ցանկացած արտահոսք մարդկանց կսպանի ՆԱՏՕ-ի երկրներում։ Սա ինքնաբերաբար հինգերորդ հոդվածն է»:

Միաժամանակ ոչ անհայտ Հենրի Կիսինջերն էր խոսել ուկրաինական պատերազմի թեմայով՝ աշխարհին նախազգուշացնելով, որ եթե այն բանակցություններով չավարտվի, ապա կարող է կրկնվել 1-ին համաշխարհային պատերազմի պատմությունը:

Անգլոսաքսերի նախազգուշական ուղերձները կատակ չեն. Արևմուտքը նախազգուշացնում է, որ չի խորշի ՌԴ-ին պատերազմ հայտարարել, եթե ատոմակայանը պայթեցվի կամ լինի մահացու արտահոսք: Հարցը, սակայն, այն է, թե ո՞վ կարող է շահագրգռված լինել ՆԱՏՕ-ի համապատասխան հոդվածը կյանքի կոչելու հարցում՝ նկատի ունենալով այն, որ ՌԴ-ին դժվար թե դա ձեռնտու լինի:

Զապորոժյեի ատոմակայանը տևական ժամանակ է՝ հայտնվել է թիրախում. ռուսները մեղադրում են ուկրաինացիներին, ուկրաինացիները՝ ռուսներին: Օրինակ՝ կա վարկած, որ հենց ուկրաինական ուժերն են ռմբակոծում ատոմակայանը՝ սադրելու ու մեղքը բարդելու ռուսական կողմի վրա, որպեսզի հնարավոր լինի ՌԴ-ին՝ «ահաբեկիչ պետություն» ճանաչել: Նկատի ունենալով այն, որ պատերազմին բանակցությունների միջոցով վերջ դնելու գաղափարին արմատապես հակադրվում է հենց Անգլիան, բացառված չէ և որևիցե սցենար. Արևմուտքի նպատակը Ուկրաինայում ՌԴ-ին արյունաքամ անելն ու սննկացնելն է, իսկ դա անել հնարավոր կլինի միայն այն դեպքում, եթե Զելենսկին զենքը վայր չդնի:

Ինչո՞վ է իրավիճակը հղի մեզ համար՝ նկատի ունենալով հատկապես անգլիացի ու ամերիկացի գործիչների վերջին հայտարարությունները: Իրավիճակը մեզ համար ուղակի ողբերգական է, քանի որ եթե իսկապես գործի դրվի ՆԱՏՕ-ի 5-րդ կետը, ապա նոր համաշխարհային պատերազմի հիմնական թատերաբեմերից մեկը դառնալու է Հայաստանը. Թուրքիան հինգ րոպե հետո Երևանում կլինի, քանի որ Արևմուտքը թույլ չի տա Անկարային ստանձնել դիտորդի դեր, ավելին՝ հենց Թուրքիան է դառնալու հիմնական հարվածային ուժը՝ այն Թուրքիան, որին հիմա Մոսկվան մի կերպ փորձում է զսպել գուցե նաև հայկական շահերի հաշվին: Սիրիան կարող է դրախտ թվալ նոր պատերազմի բռնկման պարագային, իսկ նոր ցեղասպանությունը՝ անխուսափելի՝ նկատի ունենալով հատկապես Ցեղասպանության կանխարգելման Լեմկինի ինստիտուտի վեջին հայտարարությունը՝ հայոց նոր ցեղասպանության իրական վտանգի մասին:

Նյութի աղբյուր՝ https://t.me/armeniainfo11/631

Поделиться
Класс
Send