A1News.am-Ռուսաստանի հետ լայնամասշտաբ պատերազմի ժամանակ զոհվել է մոտ 10 հազար ուկրաինացի զինվորական։ Այս թիվը հրապարակել է Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչը։
Նրա խոսքով, հակառակորդի կորուստները բազմապատիկ գերազանցում են ուկրաինականը։
«Ռուսական բանակում առաջին 20-30 օրվա ընթացքում օրական 1000 մարդ է զոհվել, հիմա ունեն 200-300 զոհ, ոչ պակաս»,- ասել է նա։
Ըստ Ուկրաինայի ՊՆ-ի՝ ռուսական բանակի կորուստները գերազանցում են 30 հազարը, ըստ բրիտանական հետախուզության՝ 20 հազարը։