A1News.am-Կիեւը ռուսական բանակի կորուստների նոր թիվ է հրապարակել։ Ուկրաինայի նախագահի աշխատակազմի ղեկավար Միխայիլ Պոդոլյակը Meduza-ին տված հարցազրույցում ասել է, որ իր կարծիքով, զոհվել և վիրավորվել է մոտ 80 հազար մարդ։
«Իմ կարծիքով, այսօր ռազմական մասնավոր ընկերությունների և ռուսական բանակի ընդհանուր կորուստները սանիտարական կորուստների հետ միասին (վիրավորներ, սպանվածներ, հաշմանդամներ) կազմում են մոտ 80 հազար»,- ասել է նա։
Միաժամանակ նա նշել է, որ պատերազմի առաջին շաբաթների համեմատ ռուսական կորուստների թիվը զգալիորեն նվազել է։ «Առաջին մեկուկես ամսին օրական հազար մարդ էր զոհվում, հիմա դիրքային կորուստներ են, որոնք համատեղելի են ուկրաինական կորուստների հետ, այսինքն՝ օրական 100-200 մարդ են կորցնում, 600-700 վիրավոր ունեն», ասել է Պոդոլյակը։
Հունիսի 2-ին Ուկրաինայի նախագահ Վլադիմիր Զելենսկին հայտարարել է, որ Դոնբասում մարտերի ընթացքում օրական մինչև 100 ուկրաինացի զինվոր է զոհվում և մոտ 500-ը վիրավորվում։
