A1News.am-ՌԴ նախագահ Վլադիմիր Պուտինը հայտարարել է, որ լրացուցիչ զորահավաքի կարիք չկա։ Այս մասին երկրի ղեկավարն ասել է Մարդու իրավունքների խորհրդի անդամների հետ հանդիպմանը։
«Մոբիլիզացիոն լրացուցիչ միջոցառումների մասին խոսակցություններն ուղղակի իմաստ չունեն, այսօր պետությունը և Պաշտպանության նախարարությունը դրա կարիքը չունի»,- ասաց նա։
Նախագահը նաև հավելել է, որ 300 հազար մոբիլիզացվածներից միայն կեսն է գտնվում օպերատիվ գոտում, իսկ 77 հազար մարդ՝ մարտական ստորաբաժանումներում։ Մնացած մոբիլիզացվածները, ըստ նրա, «երկրորդ կամ երրորդ գծում են և ըստ էության, կատարում են պաշտպանության գործառույթը»։ Ռուսաստանում մասնակի մոբիլիզացիան սկսվել է սեպտեմբերի 21-ին։
Պաշտպանության նախարար Սերգեյ Շոյգուն այնուհետ հայտարարեց, որ ծառայության կկանչվի 300 հազար մարդ, առաջին հերթին նրանք, ովքեր ունեն մարտական փորձ և անհրաժեշտ ռազմական մասնագիտություն։ Ավելի վաղ նախագահի մամուլի քարտուղար Դմիտրի Պեսկովը հերքել էր զորահավաքի երկրորդ ալիքի հնարավոր մեկնարկի մասին տեղեկությունը։ Նա կոչ է արել ռուսներին չհավատալ սոցցանցերում նման հաղորդագրություններին։
