Ռուսաստանցիների քանի տոկոսն է վստահում Պուտինին. հարցում

A1News.am-Հասարակական կարծիքի ուսումնասիրման համառուսաստանյան կենտրոնը (ВЦИОМ) հարցում է իրականացրել, համաձայն որի՝ ռուսաստանցիների 80,7%-ը վստահում է Ռուսաստանի նախագահ Վլադիմիր Պուտինին, իսկ 63,5%-ը՝ վարչապետ Միխայիլ Միշուստինին։

Ըստ հարցման արդյունքների՝ ընդհանուր առմամբ ռուսաստանցիների 77,8%-ը հավանություն է տալիս Պուտինի գործունեությանը, 51,2%-ը՝ Միշուստինին, իսկ 51,3%-ը՝ կառավարության գործունեությանը։

Ինչ վերաբերում է Պետդումայի խմբակցությունների ղեկավարների նկատմամբ ռուսաստանցիների վստահության մակարդակին, ապա Գենադի Զյուգանովին վստահում է հարցվածների 29,9%-ը, Սերգեյ Միրոնովին՝ 30%–ը, Լեոնիդ Սլուցկուն՝ 16,6%–ը, Ալեքսեյ Նեչաևին՝ 7,6%–ը։