Սահմանին փոխհրաձգություն է տեղի ունեցել․ կա զոհ, 3 վիրավոր

Միջազգային a1news 2022-06-14 11:31:00 3195
Հետևեք մեզ՝ Telegram-ում
b-3_0XS_1.jpg

A1News.am-Հունիսի 14-ին տաջիկ և ղրղզ սահմանապահների միջև փոխհրաձգություն է տեղի ունեցել, որի ժամանակ զոհվել է մեկ տաջիկ սահմանապահ, իսկ երեքը՝ վիրավորվել։

«Փոխհրաձգությունը տեղի է ունեցել Կեխի սահմանային անցակետում, որը գտնվում է Տաջիկստանի Վորուխի կենտրոնից 10 կիլոմետր հեռավորության վրա։ Ղրղզ սահմանապահները կրակ են բացել Տաջիկստանի ուղղությամբ, որի հետևանքով զոհվել է մեկ սահմանապահ զինծառայող, երեքը՝ վիրավորվել»,- նշել են Տաջիկստանի Սուղդի շրջանի Իսֆարա քաղաքի ներքին գործերի վարչությունից։

Նրա խոսքով, ներկայումս բանակցություններ են ընթանում երկու կողմերի միջև։

Վերջին տասն օրվա ընթացքում սա արդեն երկրորդ զինված միջադեպն է տաջիկ-ղրղզական սահմանին։Հունիսի 3-ին սահմանի նույն հատվածում փոխհրաձգություն է տեղի ունեցել տաջիկ և ղրղզ սահմանապահների միջև։

Տաջիկստանի արտաքին գործերի նախարարությունը հայտնել է, որ կրակոցները տեղի են ունեցել այն բանից հետո, երբ «Ղրղզստանի զինվորականները դիտավորյալ մտել են Իսֆարա քաղաքի Վորուխ Ջամոաթի Կեխի սահմանային անցակետ»։

Поделиться
Класс
Send