A1News.am-Հնդկաստանի Մանիպուր նահանգում զանգվածային սողանքի հետևանքով զոհվել է առնվազն 14 մարդ:
«Արմենպրես»-ի հաղորդմամբ՝ ինչպես հայտնում է Reuters-ը, այս մասին տեղեկացրել են պաշտոնյաները:
Փրկարարները պայքարում են հորդառատ անձրևների դեմ՝ փլատակների տակից 19 փրկվածների դուրս բերելու համար: Որոնողական աշխատանքներին միացել է նաև բանակը:
Նշվում է, որ փլատակների տակ մնացած մարդկանց ողջ մնալու հավանականությունը շատ փոքր է՝ հաշվի առնելով, որ սողանքը տեղի է ունեցել գիշերը ժամը 2-ի սահմաններում:
