A1News.am-Դրեզդենի ռադիոկայանի վրա զինված հարձակում կատարած անձը մահացել է ոստիկանների հատուկ գործողության ժամանակ ստացած վիրավորումից, հայտնում է Bild-ը՝ վկայակոչելով ոստիկանությանը։
«Դրեզդենի առևտրի կենտրոնում մարդկանց պատանդ վերցրած 40-ամյա Դավիթ Վ.-ն ստացած վնասվածքներից կարճ ժամանակ անց մահացել է»,- ասվում է հաղորդագրության մեջ։
Նշվում է, որ հատուկ ջոկատայինները ստիպված է եղել կրակել նրա վրա՝ պատանդների կյանքին սպառնացող վտանգի պատճառով։
Հիշեցնենք, որ այսօր՝ դեկտեմբերի 10-ին, հիշյալ անձը կրակ էր բացել Դրեզդենի ռադիոկայանի վրա, ինչի հետևանքով սպանել էր 70-ամյա կնոջ, ապա թաքնվել մոտական առևտրի կենտրոնում՝ պատանդ վերցնելով մի քանի հոգու։
Ոստիկանությունն արդեն պարզել է, որ հանցագործը հոգեկան խնդիրներ ուներ, իսկ սպանված տարեց կինը հենց հանցագործի մայրն էր։