A1News.am-Թուրք սեյսմոլոգները կանխատեսել են ավերիչ երկրաշարժ Ստամբուլում։ Մեգապոլիսը գտնվում է Անատոլիայի և Եվրասիական տեկտոնական սալերի հատման տեղում։
Այս մասին հայտնում է Hürriyet թերթը։
«Փորձագետների կարծիքով՝ Ստամբուլի սպասվող երկրաշարժը կգերազանցի Քահրամանմարաշի կորուստները՝ իր պատճառած ավերածությունների, ինչպես նաև տնտեսական և սոցիալական հետևանքների առումով։ Այսինքն՝ Քահրամանմարաշի երկրաշարժը գրեթե Ստամբուլի երկրաշարժի փորձն է։
Նշվում է, որ Ստամբուլի շենքերի 70 տոկոսը կառուցվել է մինչև 2000 թվականը։ Թերթը նշել է, որ վերջին երկրաշարժի ժամանակ փլուզվել են մի քանի տարի առաջ «սեյսմակայուն» և հարյուրավոր մարդկանցով բնակեցված շքեղ համալիրները։