A1News.am-Պարսից ծոցի երկրներից Քուվեյթում կարկուտ է տեղացել, Սաուդյան Արաբիայում՝ ձյուն։ Քուվեյթի ՆԳ նախարարությունը հայտարարել է, որ երկրում անբարենպաստ եղանակային պայմաններ են։
Շատ ճանապարհներ փակ են երթեւեկության համար՝ տեղատարափ անձրեւի պատճառով։
Ուժգին անձրեւը կարող է տհաճ հետեւանքներ ունենալ։ Բնակիչներին խնդրել են պահպանել զգոնություն։ Թափվել է 60 մմ կամ 1 քառակուսի մետրի համար 55 կգ անձրեւ։
Անձրեւն ուղեկցվում է ուժգին քամիով։ Հարավային շրջաններում նաեւ կարկուտ է տեղացել։ Սաուդյան Արաբիայի հյուսիս-արեւմտյան Թաբուկի շրջանում էլ ձյուն է տեղացել, ըստ SPA-ի փոխանցման։
Ցուրտ եղանակով պայմանավորված Ջաբալ-էլ-Լաուզ լեռն ու հարակից շրջանները «սպիտակել» են։
