A1News.am-Չինաստանի Շենսի նահանգի Սիան քաղաքից 14-ամյա աղջիկը պոկել և կերել է սեփական մազերը։ Այս մասին հայտնում է South China Morning Post-ը։
Գաստրոէնտերոլոգ Շի Հայի խոսքով՝ աղջկան հետազոտության են բերել այն բանից հետո, երբ նա դադարել է ուտել։ «Այնուհետև մենք պարզեցինք, որ նրա ստամոքսն այնքան էր լցված մազերով, որ ուտելու տեղ այլևս չկար։
Աղիքներն էլ էին մազերով խցանված»,- ասում է բժիշկը։ Վիրաբույժները երկու ժամ տևողությամբ վիրահատություն են կատարել և դեռահասի ստամոքսից և աղիքներից երեք կիլոգրամանոց մազագնդիկ են հեռացրել։
Հայը ենթադրել է, որ դեռահասի վիճակը կարող է կապված լինել պիկայի հետ՝ ուտելու խանգարում, որը ներառում է անուտելի առարկաներ ուտելը: «Նա ապրում է տատիկի ու պապիկի հետ, ովքեր բավականաչափ ուշադրություն չեն դարձրել նրա պահվածքին։ Երևի նա երկար տարիներ տառապել է հոգեբանական խնդիրներից», - ենթադրել է բժիշկը:
