A1News.am-Անգլիայից Քորթնի Թեյլորը գեղեցկության սրահում ծակել է ականջը, սակայն հայտնվել է հիվանդանոցում, գրում է The Sun-ը։ Պրոցեդուրայից հետո կնոջ այտն ուռել է և սկսել կապտել։
Ինչպես պատմել է 22-ամյա կինը, սրահում բողոքել է վարպետին ուժեղ ցավից, սակայն վերջինս հաճախորդին վստահեցրել է, որ ամեն ինչ կարգին է։ Վերադառնալով տուն՝ Քորթնին նկատել է, որ այտն ուռել է և կապտել։
«Սրահում ոչ ոք չէր անհանգստանում: Ինձ ասացին, որ աճառը ծակելիս դա սովորական երևույթ է»,- հիշում է բրիտանացին։
Թեյլորը գնացել է հիվանդանոց, սակայն բժիշկներին շփոթեցրել է նրա վիճակը։ Մի երկու անալիզ անելուց հետո նրանք Թեյլորին ասել են, որ դա արյան թունավորում չէ։ Երևույթի պատճառն այն է եղել, որ ծակելու ժամանակ վարպետը դիպել է նյարդին։
«Բժիշկը խոսեց ինձ հետ և ասաց, որ իր կյանքում նման բան չի տեսել», - ասաց Քորթնին:
Հիվանդանոցում նրան նշանակել են անհրաժեշտ դեղամիջոցներ և թույլ են տվել գնալ տուն։ Ինքը՝ Թեյլորը, դանդաղ վերականգնվում է, բայց դեռ ցավ է զգում այտերի շրջանում:
