A1News.am-Բաքուն ռուսական գազի դիմաց ռուբլով չի վճարի, հայտարարել է ադրբեջանական SOCAR նավթային ընկերությունը։ Այս մասին հայտնում են ռուսական լրտվամիջոցները:
Հիշեցնենք Հայաստանը ռուսական գազի դիմաց վճարումները սկսել է կատարել ռուբլով։ Այս մասին ասել է Հայաստանի էկոնոմիկայի նախարար Վահան Քերոբյանը:
«Որքան ես գիտեմ, վերջին մի քանի վճարումները եղել են հենց ռուբլով, բայց համապատասխան փոխարժեքով»,- ասել է Քերոբյանը։
Նրա խոսքով՝ գնագոյացումը կատարվում է դոլարով, սակայն վճարումն իրականացվում է ռուբլով։
Նշենք , որ Մարտի վերջին Ռուսաստանի նախագահ Վլադիմիր Պուտինը հրամանագիր էր ստորագրել, որով սահմանում էր, որ ռուսական գազը պետք է վաճառվի ռուբլով։ Բայց դա վերաբերում է միայն «ոչ բարեկամական երկրներին»՝ առաջին հերթին Եվրամիության անդամներին, որոնք Ուկրաինա ներխուժումից հետո պատժամիջոցներ են սահմանել Ռուսաստանի դեմ։
Հայաստանը չի միացել այդ պատժամիջոցներին։