A1News.am-ԱՄՆ նախագահի ազգային անվտանգության հարցերով խորհրդական Ջեյք Սալիվանն ասել է, որ ՆԱՏՕ-ի երկրների տարածքին ցանկացած կրակոց կհանգեցնի ամբողջ դաշինքի պատասխանին` համաձայն Հյուսիսատլանտյան պայմանագրի 5-րդ հոդվածի, տեղեկացնում է BBC-ն:
CBS-ին տված հարցազրույցում Սալիվանը կրկնել է նախագահ Ջո Բայդենի դիրքորոշումը, որ ՆԱՏՕ-ն կպաշտպանի իր տարածքի «ամեն թիզը»: Հարցին, թե արդյոք դա վերաբերում է Ուկրաինային հարևան երկրների տարածքում պատահական հարվածի հնարավորությանը, Սալիվանը պատասխանել է, որ դա նույնպես կհանգեցնի ՆԱՏՕ-ի պատասխանին։
Սալիվանը նաև նշել է, որ ԱՄՆ-ը վստահ է իր կարողության մեջ՝ շարունակելու զենք մատակարարել Ուկրաինային արևմտյան սահմանով, չնայած հրթիռային հարձակմանը Լվովի մարզում գտնվող Յավորովի զորավարժարանի վրա՝ Լեհաստանի տարածքից 15 կմ հեռու:
Սալիվանը նաև ասել է, որ ԱՄՆ-ը նախազգուշացնում է Ռուսաստանին Ուկրաինայում քիմիական զենք օգտագործելու մասին, և որ Ռուսաստանը «ծանր գին» կվճարի, եթե դա անի:
