A1News.am-ԱՄՆ նախագահ Ջո Բայդենը հայտարարել է, որ Ուկրաինա ռուսական ներխուժման վտանգը պահպանվում է։
«Դա կարող է տեղի ունենալ մի քանի օրվա ընթացքում»,- ասել է նա լրագրողներին։ Նրա խոսքով, Կրեմլը ոչ միայն զորքերը դուրս չի բերել սահմանից, այլ նաև լրացուցիչ միավորումներ է այնտեղ բերել. «Մենք հիմքեր ունենք ենթադրելու, որ նրանք ռազմական գործողություն են իրականացնում ուրիշի դրոշի ներքո՝ ներխուժելու պատրվակ ունենալու համար»,- ասել է ԱՄՆ-ի նախագահը: Նման սցենարի հավանականությունը Բայդենն անվանել է «շատ բարձր», սակայն հասկացրել է, որ ճգնաժամի դիվանագիտական կարգավորման ուղիները մնում են։
Վերջին ամիսներին ԱՄՆ-ն և ՆԱՏՕ-ն մեղադրել են Ռուսաստանին Ուկրաինայի վրա հարձակում նախապատրաստելու մեջ և ուժեղացրել են իրենց ներկայությունը Արևելյան Եվրոպայում:
Մոսկվան մերժում է բոլոր պնդումները՝ ընդգծելով, որ զորքերը տեղափոխում են իրենց տարածքներ, ինչպես նաև հիշեցնում է, որ իրենք չեն մասնակցում ներուկրաինական հակամարտությանը և չեն խախտում որևէ պայմանավորվածություն՝ ի տարբերություն Կիևի, որը չի համապատասխանում Մինսկի պայմանավորվածություններին։
