A1News.am-Ավիավթար է տեղի ունեցել Իտալիայի Միլան քաղաքի հարավ-արևելյան մասում. ոչ մեծ տեսակի Piper մասնավոր օդանավն ընկել է վերանորոգման մեջ գտնվող կայանատեղիի շենքի վրա՝ «Սան-Դոնատո» մետրոյի կայարանի մոտակայքում:
Ինչպես հայտնում է ՏԱՍՍ գործակալությունը՝ հղում անելով իտալական աղբյուրին, դեպքի վայրում բռնկվել է շենքն ու մոտակայքում կայանված մի քանի մեքենաներ: Ճշտված տվյալներով՝ ինքնաթիռում են եղել երկու օդաչու և 6 ուղևոր, որոնց թվում՝ նաև երեխա:
Ինքնաթիռն օդ էր բարձրացել «Լինատե» օդանավակայանում և ուղևորվում էր Սարդինիա: Փրկարար ծառայությունների հաղորդմամբ՝ ողջ մնացածներ չկան: Նշվում է, որ զոհերի թվում Ֆրանսիայի քաղաքացի կա:
