A1News.am-Թուրքիայում 20-ամյա աղջիկը ներել է երկու տարի առաջ իր վրա ծծմբական թթու (կիսլատա) լցրած տղամարդուն և ամուսնացել նրա հետ։ Հարձակման արդյունքում Բերֆին Օզեկը քիչ էր մնում կորցներ տեսողությունը, հայտնում է Daily Mail-ը։
23-ամյա Քազիմ Օզան Սելթիկը ծծմբական թթու է լցրել իր սիրելիի վրա 2019 թվականին` իրենց բաժանումից հետո։ Հարձակումից առաջ երիտասարդն աղջկան ասել էր` քանի որ նա իրենը չի լինելու, ուրեմն ուրիշինն էլ չի լինի։ Օզեկը ողջ է մնացել և հարձակման մասին հայտնել է ոստիկանություն։ Դրանից հետո Սելթիկը ձերբակալվել է, որից հետո սկսել է գրել նրան և ներողություն խնդրել։ Տուժողը նույնիսկ ինչ-որ պահի հետ է վերցրել իր ցուցմունքը՝ պատճառաբանելով, որ սիրում են իրար, և ամաչում է, որ իր սիրելին չորս պատի մեջ բանտարկված է։
Չնայած տղամարդուն քրեական պատասխանատվությունից ազատելու փորձերին՝ Սելթիկը դատապարտվել է 13 տարի 6 ամիս ազատազրկման։ Այնուամենայնիվ, օրենքում փոփոխությունները, զուգորդված կորոնավիրուսային նորամուծությունների հետ, երիտասարդին թույլ տվեցին վաղաժամկետ ազատ արձակվել բանտից:
Ազատության մեջ հայտնվելուց հետո Սելթիկն առաջարկություն է արել Օզեկին, և նա համաձայնվել է։ Տուժած աղջկա ընտանիքը խոստովանել է, որ չի աջակցում նրանց ամուսնությանը։ «Նա ամուսնացել է առանց մեր իմացության։ Ես երկար տարիներ պայքարել եմ նրա համար, բայց հիմա պարզվեց` ամեն ինչ ապարդյուն էր»,- պատմել է նրա հայրը:
