A1News.am-Ազովի գնդի փոխհրամանատար Սվյատոսլավ Պալամարը կոչ է արել աշխարհին ամեն ինչ անել Մարիուպոլից մարդկանց ազատելու համար, գրում է «Ուկրաինսկայա պրավդան»։
Պալամարը հայտնել է, որ Մարիուպոլում զինադադար չկա։ Երեք րոպեն մեկ ավիառումբեր են ընկնում, իսկ ռուսները փորձում են գրոհել ուկրաինացի պաշտպանների դիրքերը։ Ըստ նրա՝ «տղերքը վերջին ճիգերով են դիմանում», և մարդկանց պետք է դուրս հանել։
«Այսօր մեծ օր է, և, չնայած դրան, հակառակորդը շարունակում է ավիառումբեր նետել, ռազմածովային հրետանային կրակահերթեր, թնդանոթների կրակոցներ, հակառակորդի տանկերը շարունակում են խոցել, հետևակը փորձում է ներխուժել։ Ցանկանում եմ, որ այս օրը բոլորը մտածեն արժեքների մասին՝ կա՛մ ճակատում, կա՛մ տանը, կա՛մ վերաբնակեցման ժամանակ:
Պատերազմի 60-րդ օրը, կարծում եմ, բոլորը հասկացան, որ նյութականը ոչինչ է երեխաներիդ գրկելու, սիրելիների հետ զրուցելու, լռությունը վայելելու համեմատ... Այս պահին, երբ Զատկի նկարներ ես հրապարակում և վայելում զինադադարը, Մարիուպոլում թշնամին ռումբեր է գցում անմեղ երեխաների գլխին»»,- հայտարարել է Պալամարը՝ շնորհակալություն հայտնելով բոլորին, ովքեր ջանքեր են գործադրում Մարիուպոլից մարդկանց ազատելու համար, ինչպես նաև կոչ է արել ողջ աշխարհին՝ ամեն ինչ անել այդ ուղղությամբ։
