A1News.am-Երեքշաբթի առավոտյան Նորվեգիայի Լարվիկ քաղաքի Տվեդալեն շրջանում վթարի է ենթարկվել ուսումնական թեթև ինքնաթիռ: Ոչ ոք ողջ չի մնացել։ Այդ մասին հայտնում է NRK հեռուստաընկերությունը՝ տեղի ոստիկանությանը հղումով։
«Ցավոք, ողջ մնացածներին գտնելու հույս չկա»,- ասել է Լարվիկի ոստիկանության բաժնի պետ Թուր Էրիկսենը։
Ինքնաթիռում երեք մարդ է եղել՝ մեկ հրահանգիչ և երկու ուսանող։ Վթարի մասին ոստիկանությունը տեղեկություն է ստացել ականատեսից։ Ինքնաթիռը ընկել է անտառում: