A1News.am-Դոնեցկի «Oplot.TV» հեռուստաալիքը ուկրաինացի դիվերսանտների գերեվարման մասին տեսանյութ է հրապարակել։
Այս մասին հայտնում է «ՌԻԱ Նովոստին»: Կադրերում երևում է զրահափոխադրիչի /БТР/կիրառմամբ թեժ մարտը, որի ժամանակ վիրավորվել են ԴԺՀ-ի երկու հատուկ ջոկատայիններ։
Պետական անվտանգության նախարարությունում հայտարարել են, որ, չեզոքացված դիվերսիոն-ահաբեկչական խմբավորումը ծրագրել էին պայթեցնել ինքնահռչակ հանրապետության տարածքում գտնվող էլեկտրական ենթակայաններ, գազատարներ և ֆիլտրակայաններ։
Նշենք, որ Ուկրաինայի արևելքում հակամարտությունը շարունակվում է արդեն ութ տարի, այդ ընթացքում, ըստ ՄԱԿ-ի տվյալների, զոհվել է ավելի քան 13000 մարդ, մոտ 44000-ը վիրավորվել են:
