A1News.am-Թուրքիայի նախագահ Ռեջեփ Թայիփ Էրդողանը հայտարարել է, որ ինքնահռչակ Հյուսիսային Կիպրոսի Թուրքական Հանրապետություն (ՀԿԹՀ) կատարած այցի ընթացքում, որը նախատեսված է երկուշաբթի` հուլիսի 19-ին, ուրախալի լուր կհայտնի:
«Ես ուզում եմ այդ մասին հայտարարել ՀԿԹՀ խորհրդարանում: Դա կլինի դրական քայլ, որի նախնական նախապատրաստական աշխատանքներն ավարտված են», - ասել է Թուրքիայի առաջնորդը լրագրողներին ուրբաթօրյա աղոթքից հետո Ստամբուլի Այա Սոֆիա մզկիթում: Նրա խոսքերը մեջբերում է Anadolu-ն:
Ըստ Թուրքիայի առաջնորդի` հայտարարությունը, որը նա նախատեսում է հնչեցնել, կդառնա «խաղաղության ուղերձ» ինչպես կղզու բնակիչների, այնպես էլ ամբողջ միջազգային հանրության համար:
Էրդողանն ասել է, որ Կիպրոս կատարելիք այցի ընթացքում, որը կշարունակվի մինչեւ երեքշաբթի, իրեն կուղեկցի մեծ պատվիրակություն:
