A1News.am-Արևմտյան Վրաստանում երեք բալ ուժգնությամբ երկրաշարժ է տեղի ունեցել. այս մասին ուրբաթ՝ դեկտեմբերի 10-ին, հաղորդվում է Սեյսմիկ մոնիտորինգի ազգային կենտրոնի կայքում։
Նշվում է, որ ստորգետնյա ցնցումները տեղի են ունեցել Թբիլիսիի ժամանակով 22:30-ին՝ Վրաստանի մայրաքաղաքից 280 կիլոմետր հեռավորության վրա։
Սեյսմիկ մոնիտորինգի ազգային կենտրոնը հայտնում է, որ ստորգետնյա ցնցումները կարճատև են եղել։ Զոհերի և ավերածությունների մասին տեղեկություններ չկան։
