A1News.am-Հունաստանի հարավում շաբաթ օրը՝ դեկտեմբերի 18-ին, 5,4 մագնիտուդով երկրաշարժ է տեղի ունեցել, զոհերի և ավերածությունների մասին տեղեկություններ չկան, հայտնում է Ekathimerini-ն՝ վկայակոչելով Աթենքի գեոդինամիկ ինստիտուտը։
Երկրաշարժը տեղի է ունեցել Պելոպոնեսի և Կրետե կղզու միջև ընկած ծովում։
Հունական լրատվամիջոցները հայտնում են, որ ստորգետնյա ցնցումները զգացվել են Աթենքից մինչև Կրետե ընկած ընդարձակ տարածքում։
Հունաստանի հրշեջ ծառայությունը հայտնել է, որ վնասների մասին տեղեկություններ դեռ չկան:
