A1News.am-Մոսկվայի Խորոշևսկի մայրուղու տներից մեկում հայտնաբերվել է ոստիկանության պաշտոնաթող գեներալ-մայորի դին՝ հրազենային վնասվածքով։
Այս մասին այսօր՝ փետրվարի 7-ին, հայտնել է իրավապահ մարմինների աղբյուրը։
«Խորոշևսկի մայրուղու բնակարաններից մեկում հայտնաբերվել է ոստիկանության պաշտոնաթող գեներալ-մայորի դին։ Նախկինում նա աշխատել է Ռուսաստանի ՆԳՆ դատաբժշկական կենտրոնի ղեկավարի տեղակալի պաշտոնում»,- ասել է նա։
Տղամարդու դիակը՝ հրազենային վնասվածքով, հայտնաբերել է կինը: Նա պատմել է, որ 1945 թվականին ծնված գեներալը երկար ժամանակ հիվանդ է եղել քաղցկեղով։
Դիակի մոտ հայտնաբերել են անվանական մրցանակի ատրճանակ։ Ինքնասպանության գրություն չի եղել։
