A1News.am-Ռազմական գործողությունները Ռուսաստանի Դաշնության տարածք տեղափոխելու հնարավորություն, անշուշտ, կա։ Բայց դա կախված է բազմաթիվ գործոններից, ISLND հեռուստաընկերությանը տված հարցազրույցում ասել է Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը։
«Դա շատ գործոններից է կախված, Պուտինն ինքն է ասել, որ ցանկացած քաղաքում կա զինվորական խանութ, ինչքան ես հասկացա, դրանք արդեն հայտնվել են Բրյանսկում, Կուրսկում, Բելգորոդում (ՌԴ այս քաղաքներում պայթյուններ եւ հրդեհներ են եղել ռազմական եւ վառելիքի պահեստներում․- խմբ), գուցե այնտեղ հայտնվեն Բելգորոդի, Կուրսկի, Բրյանսկի ժողովրդական հանրապետություններ», հեգնել է Դանիլովը:
Միաժամանակ Ազգային անվտանգության և պաշտպանության խորհրդի քարտուղարը վստահեցրել է, որ Ուկրաինայի զինված ուժերը ոչ մեկին չեն հարցնելու, թե ինչպես են պաշտպանելու Ուկրաինան։
«Ինչ վերաբերում է մեր անկախությանը, Պուտինի արածից հետո մենք այն կպաշտպանենք այնպես, ինչպես հարմար ենք համարում: Եվ ոչ մեկին, այդ թվում նրան, չենք հարցնի»,- ասել է Դանիլովը՝ մեկնաբանելով ակտիվ ռազմական գործողությունները Ռուսաստան տեղափոխելու հնարավորությունը։