A1News.am-Ստամբուլի ներկի գործարաններից մեկում բռնկված հրդեհի հետևանքով մահացել է 3 մարդ, վիրավորվել՝ ինը։ Այս մասին հայտնել է A Haber հեռուստաալիքը։
«Գրեթե 10 հրշեջ մեքենա է ժամանել, դեպքի վայր։ Ծխից տուժած հրշեջներին նույնպես շտապօգնության մեքենաներով հիվանդանոց են տեղափոխվել։ Գործարանը շարունակում է այրվել»,- հաղորդում է հեռուստաալիքի թղթակիցը։
Մահացածները գործարանի աշխատողներ են: Նշվում է, որ հրդեհը մարելը բարդ է, քանի որ այրման ժամանակ ևս մի քանի պայթյուն է տեղի ունեցել։ Ըստ որոշ տեղեկությունների՝ տարածքում ուժեղ ծուխ է, այրվում են քիմիական նյութեր։
Որոշ հրշեջների ինքնազգացողությունը կտրուկ վատացել է, նրանք հոսպիտալացվել են։
Պայթյունի պատճառը դեռ պարզված չէ։ Այս պահին գործարանը շարունակում է այրվել։
