A1News.am-Ռուսաստանը մտադիր չէ նվաստանալ և խնդրել Արևմուտքին չեղարկել անօրինական միակողմանի պատժամիջոցները։ Այս մասին երկուշաբթի Վլադիմիր Սոլովյովին տված բացառիկ հարցազրույցում ասել է ՌԴ ԱԳ նախարար Սերգեյ Լավրովը։
«Մենք երբեք որևէ մեկին չենք խնդրել, որ մեզնից հանեն պատժամիջոցները: Մենք մեզ ոչ մեկի առաջ չենք նվաստացնի»,- ասել է ՌԴ ԱԳ նախարարը:
Լավրովն ուշադրություն է հրավիրել այն փաստի վրա, որ Ռուսաստանը երբեք չի խնդրել ԱՄՆ-ին. «Եկե՛ք, մեզ թշնամի մի համարենք»։
Նրա խոսքով՝ Մոսկվայի դիրքորոշումը միշտ եղել է այն, որ Ռուսաստանն ու ԱՄՆ-ն «ոչ մի համոզիչ պատճառ չունեն» թշնամի լինելու։
«Մենք չենք վազելու նրանց հետևից և չենք էլ վազում: Մենք չենք խնդրում, որ չեղարկվեն այդ օրենքները (Ռուսաստանի Դաշնությունը որպես թշնամի ճանաչելու և պատժամիջոցներ կիրառելու մասին)»,- ընդգծել է նախարարը։
ՌԴ ԱԳ նախարարը նաև մատնանշել է, որ «հակառուսական վաքխանալիան», որն այժմ ծավալվում է Արևմուտքում, մի տեսակ միավորող գործոն է արևմտյան պետությունների համար։
