A1News.am-ՌԴ ԱԳՆ ղեկավար Սերգեյ Լավրովը հայտարարել է, որ Ռուսաստանը պատրաստ է շարունակել շփումները ԱԳ նախարարների մակարդակով Ուկրաինայի հետ՝ Թուրքիայի մասնակցությամբ։
Նրա խոսքով, այսօր Ռուսաստանի և Ուկրաինայի արտգործնախարարների՝ Թուրքիայի մասնակցությամբ նոր հանդիպումների թեման դեռ չի քննարկվել, սակայն բոլոր կողմերը կարծում են, որ դա օգտակար կլինի։
«Եթե նման նախաձեռնություններ ի հայտ գան, մենք միայն ուրախ կլինենք շարունակելու շփումն այս ձևաչափով»,- նշել է նա։
Ավելի վաղ Լավրովը հայտարարել էր, որ Մոսկվայի ու Անկարայի մոտեցումներն Ուկրաինայում տիրող իրավիճակի վերաբերյալ չեն համընկնում։ Նախարարի խոսքով՝ Ռուսաստանը, չնայած տարբեր տեսակետներին, գնահատում է Թուրքիայի մոտեցումը։