A1News.am-Իռլանդիայում 57 տարեկան հասակում մահացել է ամերիկացի ռոք երաժիշտ, երգահան և երգիչ-երգահան Մարկ Լանեգանը։ Այս մասին հաղորդվում է արտիստի Twitter-ի էջում։
«Այսօր առավոտյան Իռլանդիայի Քիլարնի քաղաքում գտնվող իր տանը մահացել է մեր սիրելի ընկեր Մարկ Լանեգանը։ Սիրված երգիչը, երգահանը և երաժիշտը 57 տարեկան էր»,- ասվում է գրառման մեջ։
Մարկ Լանեգանը ծնվել է ԱՄՆ-ում՝ 1964 թվականին և իր երաժշտական կարիերան սկսել է 80-ականների կեսերից։ Նա հիմնել է Screaming Trees և The Gutter Twins ռոք խմբերը, ինչպես նաև ներգրավվել է Soulsavers նախագծում։
