Գերի ընկած «Պուտինի քավոր» անունով հայտնի Մեդվեդչուկն առաջարկով դիմել է Պուտինին և Զելենսկուն

Միջազգային a1news 2022-04-18 19:31:00 798
Հետևեք մեզ՝ Telegram-ում
befunky-collage-3_L_W7R.jpg

A1News.am-Օրերս Ուկրաինայում ձերբակալված ռուսամետ ընդդիմադիր գործիչ Վիկտոր Մեդվեդչուկը, որը հայտնի է նաև « Պուտինի քավոր» անունով,  դիմել է ՌԴ նախագահ Վլադիմիր Պուտինին և Ուկրաինայի նախագահ Վլադիմիր Զելենսկին՝ առաջարկելով իրեն փոխանակել զինվորականների և Մարիուպոլի բնակիչների հետ, գրում է ՏԱՍՍ-ը։

«Ես՝ Վիկտոր Վլադիմիրովիչ Մեդվեդչուկս, ցանկանում եմ դիմել ՌԴ նախագահ Վլադիմիր Պուտինին և Ուկրաինայի նախագահ Վլադիմիր Զելենսկիին՝ խնդրելով, որ ուկրաինական կողմն ինձ փոխանակի Մարիուպոլի պաշտպանների և այն բնակիչների հետ, որոնք այսօր այնտեղ են և չեն կարող մարդասիրական միջանցքներով անվտանգ անցնել»,-ասել է նա Ուկրաինայի անվտանգության ծառայության Telegram ալիքում հրապարակված կոչում։

Գործակալության մամուլի ծառայությունը պնդում է, որ տարբեր գնահատականներով Մարիուպոլում «մնում է մոտ 120 000 խաղաղ բնակիչ», ինչպես նաև «Ազովի» գումարտակի զինյալներ և 36-րդ ծովային բրիգադի զինծառայողներ։

Ռուսաստանի նախագահի մամուլի քարտուղար Դմիտրի Պեսկովն ավելի վաղ հայտարարել էր, որ Կրեմլը չի տեսնում Մեդվեդչուկին գերի ընկած ուկրաինացի զինծառայողների հետ փոխանակելու հնարավորություն։

Մեդվեդչուկին Ուկրաինայի տարածքում ձերբակալելու մասին հաղորդել էր Զելենսկին։ Ուկրաինայի գլխավոր դատախազությունը Մեդվեդչուկին մեղադրում է պետական դավաճանության և ահաբեկչական կազմակերպությունների գործունեությանն օժանդակելու համար։ 

Поделиться
Класс
Send